Chelsea Football Club ndryshe të njohur si "Blutë" ose paraprakisht si "Pensionerët" është klub futbollistik profesionist i me qendër në Londër. I themeluar në vitin 1905, ata luajnë në Premier League dhe në pjesën më të mirë të historisë së tyre kanë qenë në majat e futbollit anglez. Chelsea ka qenë kampion i Anglisë plot tre herë, ketër herë ka fituar FA Cup, League Cup katër herë dhe UEFA Cup dy herë. Suksesin e parë më të madh e arriti në vitin 1955, kur fitoi kampionatin. Chelsea fitoi disa gara gjatë viteve 60-ta dhe 70-ta, por duke mos pasur ndonjë arritje më të madhe deri në vitin 1997. Dekada e kaluar ka qenë periudha më e suksesshme në historinë e klubit, kur e fitoi titullin e Premier League në 2005 dhe 2006, dhe mbërriti në finalen e UEFA Champions League në 2008.

Shtëpia e Chelsea është Stamford Bridge me kapacitet prej 42,055 ulëse në Fulham, Londra perendimore, ku kanë luajtur që nga fillimet e tyre. në vitin 2003, klubi u ble nga manjati i naftës rusi Roman Abramovich.

Uniforma tradicionale e Chelsea është bluja mbretërore kombinuar me çorapet e bardha. Emblema është ndërruar disa herë duke u përpjekur ta modernizojnë; duke e modifikuar emblemën e vitit 1950. Klubi gëzon mbështetjen e fansave mesatarisht 41,673 për ndeshje në vitin 2007, në vendin e pestë në Premier League për nga shikueshmëria.